60 lat temù, w dniu 28 rujana 1956 rokù, pòwstało Zrzeszenié Kaszëbsczé, pôrã lat pózni przejinaczoné na Kaszëbskò-Pòmòrsczé. Ju 2 gòdnika òdbéł sã pierszi zjôzd delegatów nowi stowôrë. Wszëtkò to zadzejało sã na dënëdze pòstalinowczi zeldżi. Tej karno kaszëbsczich dzejarzów, ò baro rozmajitëch doswiôdczeniach (jedny chùtczi cerpielë w Stutthofie, jinszi na robòtach, jesz jinszi bëlë przëmùszony walczëc w cëzy armii abò służëc w wòjskach pòlsczich na zôpadze) pòtrafiło w dëchù pòkòrë i pòspólny regionalny sprawë, dogadac sã i zarzeszëc stowôrã dlô dobra wszëtczich mieszkańców Pòmòrzégò.

Môłi Jezësk na łónie

Wzérkôł w Matinczi òczka

Jakbë pitôł: cëż sã stónie,

Co tu mòże Gò spòtkac?

Ref. Matka Dzecuszkù z serca przeléwa

Wiôldżi miłotë tchnienié:

- Bóg tak sprawił, że z te chléwa

Jidze swiata zbawienié.

W Matkã Jezësk wtulony

Dzecnym jął chlëchac żalã

A w tim płaczu ùtacony

Ból za lëdzy niewiarã.

Ref. Matka Dzecuszkù...

Jezësk w główkã smùkóny

W dzecnym schòwóny cele,

Tak pò lëdzkù tu chòwóny,

Chòc w nielëdzczim béł dzele.

Ref. Matka Dzecuszkù...