Na zżôłkłim òdjimkù sprzed lat
Starëszków naszich je slub
Co z Tatczëznë dalek szlë w swiat
Bë wòlnosc nalezc i chléb.
Tam òjca i matczi rãce
Krziżã swiãtim na drogã
W wiôldżi serca ùdrãce
Żegnałë na wanogã.
Ref. Tej Tatczëzna nowô za wòdą
Òtemkła remiona swòje
Przez łzë, trud – le wiedno zgòdą,
Kaszëb wcyg prowadzy dzeje.
Tu môl mój òd dzecynnëch dni
Z nim dësza sparłãczonô,
Mòwa tak lubno dërch brzmi
Tradicją ùswiãconô.
Na mòsce drëszbë niech tkwi
Mòc rodny swiądë żëbë
Jaż pò òstatk naszich dni
Wiedno bëłë Kaszëbë.
Ref. Tej Tatczëzna nowô za wòdą
Òtemkła remiona swòje
Przez łzë, trud – le wiedno zgòdą,
Kaszëb wcyg prowadzy dzeje.
