Szlaki turystyczne

Znajdziesz tu informacje na temat miejsc, które są ciekawe do odwiedzenia. Prezentacja wizualizacji i zdjęć oraz opisów szlaków pieszych, rowerowych i Nordic Walking.

Ze słownika Polsko-Kaszubskiego:ludek | ludk, nôródk (sł. Eugenisz Gołąbek)
wtorek, 17 marzec 2020 09:05

Lubòtny Jerzi, drogô córkò swiãti pamiãcë Lidwinë - Joanno z chłopã i dzecama, tczëwôrtny krewny, znajomi, dzejarzë Kaszëbskò-Pòmòrsczégò Zrzeszeniô, stanicowé pòcztë!

Autor: 
Oceń ten artykuł
(5 głosów)
Pogrzeb śp. Lidwiny Kreft Pogrzeb śp. Lidwiny Kreft

62 lata to je ò wiele za wczas, żebë òdchadac, ale takô wòlô Bòżô, chtërna – jak dobrze wiémë – bëła dlô Lidwinë nôwôżniészô. Kòżdą mëslã, kòżdi krok i robòtã pòddôwa wòlë Bòżi, wespół ze swòjim chłopã Jerzim i rodzyną. Bëła doswiôdczonô, wiedza dobrze, że tak je nôlepi. Temù, chòc za krótczi béł ju czas na zemi, béł òn baro dobrze - òfiarno i robòco - tu przeszłi.


Ùrodzëła sã 12 łżëkwiata (kwietnia) 1957 rokù. Pòchòdzëła z Prokòwa. Tam naùcza sã miłoscë do starszich, tam sã naùcza bëlny robòtë i tam téż pòznôwa, co znaczi bëc dobrim katolëkã, Kaszëbą i Pòlôchã. Te wôrtnotë przeniosła w 1976 rokù do Żukòwa, a pózni téż do Kòlbùd. W Żukòwie – zachãconô przez swòjégò chłopa – aktiwno włączëła sã w dzejanié partu Zrzeszeniô Kaszëbskò-Pòmòrsczégò. W 1995 rokù òsta jegò przédnikã. Tej - tak sã prawie złożëło - żegna załóżcã tegò partu, kaszëbsczégò pisarza i wiôldżégò dzejarza, dôwnégò starostã kartësczégò - Karola Kreffta, a téż zasłużonégò przédnika partu z lat 80-tëch i 90-tëch Kazmiérza Bańczika.
Drëdżi rôz przëjãła na se trud prowadzeniô partu w rokù 2010, ta razą na dwie kadencje, jaż  do 2016 rokù. W tim czasu mieszkała ju w Kòlbùdach, dze mòcno wspiéra téż ten tu part prowadzony przez ji chłopa, Jerzégò. Wëdôwało sã czasã, że to bëło pònad mòcë. A jednak bëło to mòżlëwé. Mało tegò, w tim czasu òba partë nôleżałë do baro aktiwnëch. Jich doróbk baro sã wëróżniwô w skale całi wiôldżi òrganizacji. Tak je do dzys, chòc gwës bądze terô jinaczi pò strace tak aktiwny òsobë. Lidwina òdeszła w biegù, jakno wiceprzédnik partu w Żukòwie, a téż nôleżnik Radë Naczelny całi òrganizacji.
Temù swòje słowò żalu i pòdzãczi za te lata wspaniałi robòtë skłôdóm na rãce Jerzégò, ji dzecy i wnuków téż w miono przédnika Zrzeszeniégò, Jana Wërowińsczégò. Skłôdóm je òd se z wiôlgą wdzãcznoscą za wëjątkòwò dobrą wespółprôcã z partã Zrzeszeniégò w Baninie, przez wnet 20 ju lat jego dzejaniô. Skłôdóm je serdeczno òd całégò partu, jegò zarządu na przodzy z òbecnyma tu przédnikama Elżbiétą Prëczkòwską i Witoldã Szmëdtką. Słowò żalu i kòndolencje czerëjã téż òd bùrméstra gminë Żukòwò, Wòjcecha Kankòwsczégò. Przekazywóm téż słowa wespółczëcô òd dzejarzów z nordowëch partów ZKP, chtërny są tu òbecny, chòc nié fizyczno przez wzgląd na sytuacjã, jakô dotkła nasz krôj Eùropã i swiat.
Më wszëtcë baro sã ceszëlë, czej mòglë më na pòczątkù gòdnika zeszłégò rokù wrãczëc Lidwinie piãkną nôdgrodã - Żukòwską Liliã. Lidwina baro sã ji ceszëła. W swòji skrómnoscë gôdała, że gwës są jinszi téż gòdny. Na pewno jo, chòc ji nôleża òna sã wëjątkòwò mòcno, co dobrze rozmiôł zarząd partu w Żukòwie. Do tegò stãpnia, że miesąc temù – razã z banińsczim zarządã – nominowôł jã do nôwiãkszi żukòwsczi nôdgrodë ò nazwie Sucovia. Chòc ti nôdgrodë Lidwina ju nie òdbierze, dlô nas równak i tak òstónie òna jedną z barżi zasłużonëch òsób żukòwsczi, kòlbùdzczi – kaszëbsczi zemi. Niech ji ta zemia letką bãdze, a Bóg, chtërnégò tak kòcha i Swiónowskô Matinka – Kaszëbskô Królewô, dadzą ji wieczny òdpòczink w niebie.

 

Dziś, 16 marca br., odbył się pogrzeb Lidwiny Kreft, wieloletniej prezes żukowskiego oddziału Zrzeszenia Kaszubsko-Pomorskiego (12.04.1957 – 12.03.2020). Nabożeństwo żałobne odbyło się w kościele w Pręgowie. Ze względu na nadzwyczajną sytuację w kraju, wywołaną koronawirusem, w kościele było zaledwie 50 osób, więcej niż drugie tyle uczestniczyło we mszy pogrzebowej na dworze.

Liturgia słowa była w języku kaszubskim. Także przemówienie było w tym języku. Wygłosił je Eugeniusz Pryczkowski. Mówił w imieniu prezesa ZKP Jana Wyrowińskiego, działaczy ZKP z Banina, burmistrza Gminy Żukowow Wojciecha Kankowskiego. Przekazał też wyrazy współczucia i kondolencje od działaczy z nordowych partów ZKP.

Lidwina Kreft spoczęła na cmentarzu parafialnym w Pręgowie. Na zakońćzenie ceremonii odśpiewano „Kaszëbskô Królewô”. Trumnę przykrywał sztandar pogrzebowy organizacji.

(ep)

Czytany 809 razy Ostatnio zmieniany wtorek, 17 marzec 2020 09:10

Skomentuj

Komentarz zostanie opublikowany po zatwierdzeniu przez redakcję.


Proszę rozwiązać proste zadanie (blokada antyspamowa):

Skocz do:

Polecamy

Footgolf Przywidz
( / Place zabaw)

Zdjęcie z galerii

Ostatnie komentarze

Gościmy

Odwiedza nas 222 gości oraz 0 użytkowników.

szwajcaria-kaszubska.pl