Mój stôri zégar
co wisy
na scanie
chòdzy sobie
jak chce
czasã sobie stanie
mie to nie òbchòdzy
- wszëscë mówią:
òdpòczink jemù sã nôleżi
drëdżim to je w drodze
że na môlu
gdze bëła kùkùłka
warbel z jaskółką
jiwrëją sã srodze
- jich to sprawa
mie to sygnie
że móm zégar
co czasu kąsk naliczi
dlô mégò ùżëtkù
a jak zôs
zabôczi tikac
wié że nie pòwiém słowa
- nierôz téż sã copnie
bë zacząc tikac òd nowa.
Tak pewno òstónie
i zégar sã nie zmieni
i jô sã nie przejinaczã
- më blós dwaj jesma na jedno
jednak kòrzisc z zégara
bò przez niegò
móm czas wiedno.