Jedzë dalek w swiat
a tej wrócë sã nazôd
w nen môl gdze je
twòja domôcëzna
bãdzë chòc rôz pòétą
i òszmakôj grużlã zemi
namikłą krwią
i mòklëzną swòjińców
pòmału jakbës jôdł
òstatną wieczerzã
tej rzekni słowa
z ewanielii starków
ni ma nic gòrszégò
jak zaprzéc sã swójszczëznë
i nie żdże gòdzënë
czej kùron trzë razë zapieje
sobota, 29 luty 2020 11:25
STANISŁÔW JANKE - SWÓJSZCZËZNA
Autor: STANISŁÔW JANKE (Stanisław Janke)-
wielkość czcionki
Zmniejsz czcionkę
Powiększ czcionkę
- Skomentuj jako pierwszy!
SWÓJSZCZËZNA
Dział:
Pò kaszëbskù
Etykiety