Wydrukuj tę stronę
poniedziałek, 17 luty 2020 13:23

JAN TREPCZIK - KASZËBSKÔ MÒWA

Autor:  JAN TREPCZIK (Jan Trepczyk)
Oceń ten artykuł
(2 głosów)

KASZËBSKÔ MÒWA

Tczëwôrtnô jes, jak dzejów duch,
Co w tobie sã przezérô,

Bò slodë wdôr i rodny chùch
Wespół z tobą ùmiérô.

Tczëwôrtnô jes, jak naji gón,

Do widu ë do słuńca.

Të szerok mdzesz brzëmia, jak zwón,
Na wiedno ë bez kùńca.

Skażoną miôł ce, wej, cëzyńc,

I znikwic chcôł do nédżi,

Le më cë dómë w pałac przińc

I w pierszé sadnąc rédżi.

Ò, mòwò starków! Nad twój zwãk
Nick lepszégò nicht ni mô!

Jô lubiã cã, móm ò ce lãk,

Ce stracëc strach mie zjimô.

Jô ùkòchôł ce jak no brat

Widzałosc zaczarzoną,

Òd małoscë do stôrëch lat

Jes dlô mie namienioną.

W ce dëch, zarzekłô dësza je

I serce naji lëdu.

Ze zgardë më ce dwigniemë,
Rozwicô dożdôsz cëdu.

Ò, mòwò starów! Më ce w strój
Òbleczemë bùszny,

Że mdzesz sklënia jak gwiôzdów trój,
Jak słuńca wid pëszny!

Czytany 1465 razy

Artykuły powiązane